Comune di Spilimbergo
Sito Web Ufficiale - Official Web Site

IL SANTUARI DA L'ANCONA

Santuari da l'Ancona

Glesiuta da l'Ancona

Lant jù da la Plassa dal Domo viers il Tiliment, a si cjata a metât cuesta, la Glesiuta da l’Ancona.

Il titul origjinari da la Glesia, leât a la tradission, al è chel di Santa Sabbata (Santa Sabida), una santa inesistent riconducibil a cultos precristians, leâts ai cors dai flums. Belsà tal 1597, però, l'Ancona a ven dedicada a la Madona da la Mercede (venerada il 24 di Setembre) preada come protetora dai pericui dal guado dal Tiliment.

Vuê la Glesia, un grum semplis e sobria, a poja su di una planta regolâr e a si presenta cuntuna unica aula. Par di fôr al è pussibul amirâ un grassiôs puartin tignût su da sinc colonis e a metât dal lât sinistro a si jeva il cjampanîl. Tal interno a si cjata un altâr in marmos policromos e un afresc di fin Votsent che a rafigura la Madona cul Frut e doi ansulus.

In chistu lôc a si cjatavin duncja mercjânts e pelegrins, dato che a si cjatava su un pasagjo obleât par via dal guado sul Tiliment, dopo vê pajât un dassi, rivâ a Glemona, Venzon e lâ indevant viers li Gjermanis.

Par chei che a entravin a Spilimberc, traversânt il guado, al era il templi dulà preà la Madona par la protession rissevuda pai pericui scjampâs, a chei timps un grum frecuents: pierdita dal caric, feridis, inneaments.
Al è par chiscj motîfs che a vignevin deponès i ex-voto, taulutis di len pituradis di gust popolâr, una sorta di ringrassiament e di devossion (cumò metudis insiemit e conservadis tal archivio parochiâl).

A era duncja un punt di incontro, di scambios comercjai e di preghiera.

Tal 1687 l'Ancona a ei stada ingrandida cuntuna lojbia, par ospitâ il numar simpri pi grant di fedêi, che a si riunivin.

Sucessivamentri a ei stada restaurada e ingrandida pi voltis fin tal 1968, cuant che a ei stada inaugurada; intal 1976 a ei stada distruta dal teremot e finalmentri tal 1978 l’Ancona a à tornât a vê il vecju splendôr.

Par la sô belessa e la sô posission panoramica sul Tiliment, l'Ancona a ei considerada a livel local la glesiuta dai inamorâts.