Comune di Spilimbergo
Sito Web Ufficiale - Official Web Site

LA PLASSA DAL DOMO

Plassa dal Domo da Palaç La Lojbia
Palasset Dassiari
Palasset Dassiari - particolâr da l'ingrès
Palasset Dassiari
Palaçs storics a l'inissi di Cors Roma, in banda dal Palasset Dassiari
Palaç di Via Alighieri
Palaç la Lojbia
La "Macia" unitât di misura scolpida su una colona di Palaç La Lojbia
Palaç La Lojbia

La Plassa dal Domo a era il centro da li' ativitâts aministrativis e economichis.

Uchì a tignevin banc i mercjânts che a rivavin da li' sitâts vissinis risalint il guado dal Tiliment.

In chista biela plassa a si fasevin li' tratativis, a si fasevin i controi su li' mercansiis e a si pajavin li gabelis.

A restin a testimoniâlu:


il Palassèt dal Dassiari (dal Mil e Dusinta), sede dai magjistrâts (uchì a si scuedevin i dassis e ogni altra gabela imponûda dai Siôrs) e il Palaç da la Lojbia (XIV secul), su la banda setentrionâl, belsà sede municipâl. L’edifissi di stîl venessian, clamât ancja Pergola, al à vût, tal cors da secui diferentis destinassions: al è stât forsi costruît tal secul XIV e al conventava ai Siôrs di Spilimberc par tratâ afârs cui vassai o par riunî i omis di armis; al era lôc obleât par i viandants e i mercjânts che a rivavin dal guado dal Tiliment.
La Pergola a ei doventada, dopo, granâr dai Siôrs e lôc dulà che a vignevin imagassinâs li' mercansiis e fats i controi: su una colona dal puartin a ei scolpida ancjamò vuê la Macia, l’antiga unitât di lungjessa, che a coventava par controlâ la regolaritât da li' compravenditis.
A ei ancja stada destinada a preson fintramai che tal 1812 a ei stada seduda a la Socjetât filodramatica che a l'à trasformada in un elegant teatri; tal 1865 l’edifissi al è stât jevât di un plan par fâ puest a un altri ordin di palcos.
Al è stât ristruturât dopo i tancj dans subîts dal teremot dal 1976.
Al ospita cumò i Ufissis dal Gjiudiç di Pâs. 

Glesiuta di Santa Cecilia

particolâr dai afrescs internos
statûta di San Pieri

Fra il Domo e il Ciscjel, cuasi dal dut platada al visitadôr che al si cjati ta la Plassa, a si jeva  una vecja glesiuta: a ei la pi antiga tra li glesis di Spilimberc jessint documentada fin dal 3 di Dicembre dal 1271 (13 agns prima da la costrussion dal Domo).

Pissul edifissi a aula retangolâr (un timp absidada) a presenta una puarta d’ingrès dal 1506 di semplicissima fatura e tal interno cualchi afresc dal Tresinta di cualchi interes; dal antic aredo atestât da li' fonts a non l’è pi nessun segn.

Sul flanc nord a si viers un’antiga puarta cun stipits in blocs di piera iregolârs e archivolt cun elementârs motîfs gjeometrics e dôs figuris in altoriliêv (Ss. Pieri e Jacum) sul intradoss: un dai rârs esemplis di scultura romanica in Friûl.
Mutilada da l’abside a la fin dal ‘500 e dal cjampanîl inta la seconda metât dal ’800, a ei stada restaurada intal 1978-80.