Comune di Spilimbergo
Sito Web Ufficiale - Official Web Site

DISTRA'

Il Non

A son tantis teoriis riguart la etimologja dal non Istrago. Il Carreri in un so scrit trat da "Francesco Ravagli,II, fasc. VIII-X" al contînt che il non al è di "incertissima origine".
In un prin moment a si pos pensâ al no tant lontan Istro, Il Danubio, ma pi logicamentri si pos fâ riferiment a l'Istria, dibot che a fos Distrà una colonia di Istriâns.
Il Pognici inta la so "Guida di Spilimberc e il so distret" (1872), al volarès derivâ il non da un emigrant dai paîs danubians che al varès volût ricuardâ i siei lôcs. Il stes storic al fa cundipì una altra suposission: "poiché Istrago è detto volgarmente Istrà o Distrà", lui al si riferìs a la vôs "distrarsi, divagarsi" come se a fos chistu un puest di ripôs e divertiment.
I savìn in ogni câs che dopo la fondassion di Aquileia dut il teritori al è stât dividût par via da la "centuriassion" ven a stâi la spartission dal teren tra li variis fameis romanis. Chistis tieris a erin registradis intuna "tabula" numerada (par furlan "taviela"); a ogni numer a corispundeva un paron che probabilmentri a dava il so non al puest. Secont il prof. Ellero tal so libri "Individualità linguistica e storica del Friuli Occidentale" (1980) Distrà a deriva da "Histrius", non di un condotîr roman, al cuâl dopo al ven zontât il sufìs celt-latin in -acu.
Par câs, una decina di agns fa, a son vignudis a la lûs dongja la Glesia,  monedis antighis. Altris scandais no vignaran fats e duncja la possibilitât di eventuâi segnos dai prins insediaments su li' rivis da la Cosa, dulà che a ei cumò Distrà, no si podin che suponi.
La vila, ancja se cun non imprecîs, a ei ricuardada par la prima volta inta la Bola di Alessandro III cu la cuâl il 27 di Avrîl dal 1174, a confermava al Preposit e Cjapitul di Aquileia i antics possediments, fra i cuâi ta la Plêv di Traveis li' pertinensis e la decima di Sucolles (Sequals) e di Striago (cuasi di sigûr Distrà ).
La conferma di chiscj possediments a ven data ancja da Costantino III tal 1196.

La Glesia
Distrà al à, in ogni câs, simpri vût la so Glesia dedicada a S.Blâs come che a si dedûs dal testament di Walterpertoldo II di Spilimberc tal 1920 e a veva i possediments. Una citassion no massa onorevul a ven però fata dai abitants di Distrà tal 1400, scomunicâts parsè che a no vevin pajât li' decimis eclesiastichis.
Il borc al era sogjet a la vecja matrice di Travês (da dulà che a ei stada smembrada ancja la parochia di S. Maria Magjôr di Spilimberc); Taurian, stacantsi da jè, tal 1527 a zonta cun jè ancja S. Blâs di Distrà.
A chistu punt al è un vueit di notissis. Da la nestra Glesia a si cjacara tal 1873 cuant che a doventa "curazia" e dopo parochia autonoma tal 1908.
La Glesia primitiva a risalìs al 1290 ma no ‘nd è segnos dal primitîf monument jessint stada rifata completamentri in stîl neoclassic, il secul passât.
Di preseabill fatura e valôr a son i trê puartâi che a la ornin, cun iscrissions e ornaments di sigûr "gusto Lombardesco". (dal sito www.istrago.it)


Patrono: San Blâs Martir, 3 di Fevrâr

Sagra Paesana: primis dôs setemanis di Setembre

Parochia: San Blâs martir

Sît Web locâlwww.istrago.it 

 

Distrà dal alt
Ortofoto di Distrà

DISTRA' e i siei Muarts in Guera

Monument ai Muarts in Guera

elenco presint inta li' lapidis dal monument ai Muarts in Guera

Muarts in Guera 1915-1918 

  • Soldato De Paoli Giuseppe 9/6/1915
  • Soldato Zanier Domenico 15/7/1915
  • Soldato Mirolo Federico 17/7/1915
  • Soldato Bortolussi Luigi 5/10/1915
  • Serg. Lenarduzzi Graziadio 24/10 /1915
  • Soldato Donolo Noè 26/10/1915
  • Soldato Zadro Giovanni 27/10/1915
  • Soldato Liva Gio Batta 28/10/1915
  • Cap. Mag. De Paoli Pietro 26/11/1915
  • Cap. Mag. Serafini Nicolò 9/8/1916
  • Soldato Giacomini Giovanni 3/10/1916
  • Capit. Mag. Maranzana Italo 20/12/1916
  • Soldato Bortolussi Dionisio 31/1/1917
  • Soldato Collesan Luigi 22/8/1917
  • Soldato Brunello Giuseppe 25/8/1917
  • Cap. Mag. Cominotto Gino 17/12/1917
  • Soldato Zuliani Domenico 30/12/1917
  • Soldato De Paoli Antonio 13/2/1918
  • Soldato Giacomini Umberto 26/2/1918
  • Soldato Zuliani Umberto 8/3/1918
  • Soldato De Rosa Odorico 28/6/1918
  • Soldato De Paoli Gentile 30/7/1918
  • Soldato Zanier Nicolò 16/8/1918
  • Soldato De Paoli Luigi Mont 10/10/1918
  • Soldato De Paoli Luigi Ros 13/10/1918
  • Soldato Zanier Giovanni 21/10/1918
  • Serg. Zuliani Vincenzo 24/10/1918
  • Soldato De Rosa Attilio 2/11/1918
  • Soldato Santini Luigi 11/12/1918

Muarts par malatia cjapada in guera

  • Lenarduzzi Osvaldo 29/3/1923
  • Cap. Giuseppe Marucci 23/1/1926

Muarts in Guera 1940 - 45

  • Soldato Beccaro Nicolò 29/10/1940
  • Soldato De Paoli Luigi 26/6/1941
  • Soldato Beccaro Feruccio 28/3/1942
  • Part. De Rosa Leonardo 27/7/1944
  • Part. Serafini Armando 7/4/1945

SPARÎS IN RUSSIA

  • De Michiel Ferruccio 1920
  • De Paoli Alfredo 1913
  • De Rosa Giordano 1919
  • De Rosa Vittorio 1916